Friday
2018-04-20
3:47 PM
به‌خێربێیت Guest
RSS
 
كۆشان.. سه‌كۆی هه‌مووان
سه‌ره‌كی بوون به‌ئه‌ندام چوونه‌ژووره‌وه
به‌شه‌كان

سه‌ره‌كی » 2009 » June » 10 » شه‌وانی کۆیه‌ ...
شه‌وانی کۆیه‌ ...
3:44 PM

 

دڵشاد تاقانه‌

Dlshadtakana@yahoo.com

 

شاراوه‌ نی یه‌ شاری کۆیه‌ لانه‌ی یان کۆکه‌ره‌وه‌ی ووزه‌ و توانای چه‌ندین که‌ڵه‌ ناوداری خزمه‌ت گوزاری ڕێگای کوردستان کوردایه‌تی بووه‌ شاری شه‌هیدان شاری حاجی ... چه‌ندین شاناوی تری شایسته‌یه‌ . مه‌ڵبه‌ندێکی چالاکی هونه‌ر و داهێنان بووه‌ گۆڕه‌پانی بێ ئه‌وسه‌ری سوار چاکانی هه‌ستیار و وێژه‌وان ، ژه‌نیار ، گۆرانیبێژان ... که‌ به‌هره‌ و به‌رهه‌مه‌کانیان ستایلی تایبه‌ت و مایه‌ی شانازی هه‌مووانه‌ .

شه‌وانی کۆیه‌ بریتی بوو له کۆبه‌ندی هونه‌ره‌ جوانه‌کان ، خوێندنگای فێربوون و پشووی حه‌سانه‌وه‌ی خواست و ئاره‌زووه‌کان به‌ هۆنراوه‌ ژه‌نیاری ئاوازخوانی ده‌ڕازایه‌وه‌ به‌بێ شانۆ ئامرازی ده‌نگ هیچ جۆره توانا‌یه‌کی ته‌کنه‌لۆژی له‌ شوێنێک کۆده‌بوونه‌وه‌ شه‌ویان ده‌کرده‌ چراخانی هونه‌ری بڵندگۆ ده‌نگی گۆرانی مه‌که‌ن مه‌نعی عاشقانی مه‌لا ئه‌سعه‌د  ، ئه‌وه‌ل سه‌حه‌ره‌ی خاره‌ سێوه‌ ، شیرین به‌هاره‌ی خاره‌ تایه‌ر ، ده‌چمه‌ باغی حه‌مامۆکێ ی مه‌لا ئه‌حمه‌دی حافز بوو .... کێ به‌رکێ ی ‌ ‌هۆنراوه‌کانی حاجی قادر و مه‌لای گه‌وره‌ ، جه‌لال جۆبار ، سامی عه‌وداڵ ، عوسمان عه‌ونی ... چه‌ندین ناوداری تریش هه‌ریه‌که‌یان توانای به‌هره‌مه‌ندی خۆی نمایش ده‌کرد .

شه‌وانه‌ مێزگردی ڕۆشه‌نبیری و ئاڵوگۆڕی بیر و ڕاکان بوو خامۆشکردنی هه‌سته‌کان جۆشده‌ری توانا  هونه‌ریه‌کان بوو عاشقانی شه‌وانه‌ گوێگری سه‌رسوانه‌ و به‌رده‌رگا هانده‌ری هه‌مووان بوون .

هونه‌ری ڕه‌سه‌ن خۆڕسکه‌ سه‌رکه‌وتوو نه‌مر ده‌بێ به‌ هۆنراوه‌ی وشه‌ به‌پێز ئاوازکاری به‌سه‌لیقه‌ ژه‌نیاری په‌نجه‌ ناسک ده‌ربڕینی گۆرانیبێژ به‌ تێکڕای گونجان و په‌یوه‌ستانی هه‌موو لایه‌نه‌کانی به‌رهه‌مه‌که‌ ده‌بێته‌ شاکاری هونه‌ری .

جوانی ڕه‌زان و سه‌یرانگاکانی حه‌مامۆک  ، که‌نده‌کۆخ ، سه‌رکانی له ، کانی بسکان ، ئۆمه‌رخوچان ، مه‌نزڵگای شێخی شێخ موسرێ ، باپیر فه‌قێ حمه‌د و ده‌روێش خدر . سه‌رکێشی که‌کۆن له‌ هه‌مبه‌ر باواجی و هه‌یبه‌سوڵتان خۆی به‌شای تاج هه‌ڵگری قشڵه‌  له‌ کۆیه‌ و ئه‌وانیش به‌ سنور پارێزان هه‌وێنی سروش و سه‌رنج کێشی هه‌ستی هونه‌ریان بوو .

ڕوان و دیده‌ی ئاماده‌بوان له‌ جێ ی وێنه‌ و کامیرا بوونه‌ نیشانده‌ری سه‌رگوزشته‌کان که‌ له‌ هه‌ریه‌کیان بپرسی به‌ ڕامان و هه‌ستێکی خاوی پڕ له‌ داخ بۆ یاده‌کانی شه‌وانی کۆیه‌ ده‌دوێ دروود و ستایش ده‌کا ئه‌و شه‌وانه‌ی چه‌ندین که‌ڵه‌ هونه‌رمه‌ندی پێگه‌یاند بۆ ئێمه‌ش بووه‌ ناو نیشان .

 

 

بینراوه‌: 699 | زیادكراوه‌ له‌لایه‌ن: 2Koshan | پله‌دانان: 0.0/0 |
ژماره‌ی تێبینییه‌كان: 0
ته‌نها ئه‌ندامان ده‌توانن تێبینی بنووسن.
[ بوون به‌ئه‌ندام. خۆتۆماركردن | چوونه‌ژووره‌وه ]
شوێنی چوونه‌ژووره‌وه‌ی ئه‌ندامان

ڕۆژمێر و ئه‌رشیف
«  June 2009  »
SuMoTuWeThFrSa
 123456
78910111213
14151617181920
21222324252627
282930

گه‌ڕان

هه‌ندێ پێگه‌ی تر

ئێستا

Total online: 1
Guests: 1
Users: 0


میوانانی سه‌رهێڵ

ژ. سه‌ردان له‌ 20 ی ئازاری 2009 ه‌وه‌
سه‌رجه‌م مافه‌كانی پارێزراوه‌ © 2018
Powered by uCoz